राज ठाकरे यांच्या हस्ते NEET आंदोलनातील रिया अहिर व तरुणाचा गौरवमुंबईतील UG-NEET पेपरफुटी प्रकरणाविरोधात झालेल्या विद्यार्थी आंदोलनात धाडसी भूमिका बजावणाऱ्या विद्यार्थिनी रिया अहिर तसेच आंदोलनावेळी पोलिसांच्या कारवाईचे चित्रीकरण करणाऱ्या एका तरुणाचा महाराष्ट्र नवनिर्माण सेनेचे अध्यक्ष राज ठाकरे यांच्या हस्ते सन्मान करण्यात आला.महाराष्ट्र नवनिर्माण विद्यार्थी सेनेच्या मुंबईतील मेळाव्यात हा सत्कार सोहळा पार पडला. आंदोलनादरम्यान दाखविलेल्या धैर्याची आणि सामाजिक प्रश्नांप्रती दाखविलेल्या जागरूकतेची दखल घेत दोघांचा विशेष गौरव करण्यात आला.
यावेळी राज ठाकरे यांनी विद्यार्थी आणि युवकांनी समाजातील विविध प्रश्नांबाबत सजग राहून लोकशाही मार्गाने आपली भूमिका मांडावी, असे आवाहन केले. तसेच तरुणांचा सक्रिय सहभाग हा समाजासाठी महत्त्वाचा असल्याचेही त्यांनी नमूद केले.UG-NEET पेपरफुटी प्रकरणानंतर देशभरात विद्यार्थ्यांनी आंदोलनाचा मार्ग स्वीकारला होता. मुंबईतील आंदोलनात रिया अहिर हिने पोलिसांचे वाहन अडविल्याचा तसेच पोलिसांच्या कारवाईचे चित्रीकरण करणाऱ्या तरुणाचा व्हिडिओ सोशल मीडियावर मोठ्या प्रमाणात चर्चेत आला होता. त्याच पार्श्वभूमीवर मनसे विद्यार्थी सेनेने या दोघांचा सन्मान करून त्यांच्या भूमिकेची दखल घेतली.
